日本旅遊｜河津櫻祭2.1開鑼 必睇超浪漫櫻花步道+夜間點燈

賞櫻唔一定要等到4月，2月遊日的你也可Bookmark定全日本最早開花的河津櫻，花期特別長、花蕊亦比一般櫻花大，於河畔兩邊綻放，形成一條超浪漫的櫻花步道。於2月1至29號期間更會有限定的河津櫻花祭，以下即睇詳情！

於靜岡縣河津町，整條河川種有超過8,000株河津櫻，粉色花海配上絕美河景，打卡一流！花期一般長達一個月，由2月上旬至3月上旬。為慶祝這片盛放的美景，「河津櫻花祭」將於2月1至29日舉行，而每晚6至8時更會點燈，大家可以一邊看夜櫻，一邊看看沿途的小食及特產攤檔，感受日式祭典的氣氛，當中更有必食的粉色限定櫻花版鯛魚燒，暖笠笠又超可愛！

除了賞櫻，伊豆半島亦是著名的溫泉勝地，不妨來個兩日一夜的賞櫻溫泉遊，體驗一泊兩食、悠哉悠哉的Chill遊生活，無須即日來回那麼趕急。有不少溫泉旅館更坐擁大海景，值得一去。

▼點擊圖片放大

+3

+2

前往賞河津櫻的交通十分方便，於東京站出發，乘坐「踊子號」至河津站只須2小時30分鐘左右。

記者：Panda